5.09.08  - Abflug

Um 18.15 Uhr isches in München losganga. Da Abschied vo allna war ned einfach, aba i hobs denn doch gschafft und war denn oh scho in 2 Stund in London. Vo dött bin i denn mit da Air New Zealand witergfloga Richtung Neuseeland. Da Flug war anstrengen, weil ma nur hockt und oh nur schwer schlofa kann. Noch ana kurzen Zwischenlandung in Hong Kong, was übrigens vo oba oh ganz interessant usgschot hot, isches denn direkt noch Auckland ganga.

 

7.09.08 - Ankunft in Auckland

I bin um 8:38 ako. Mine Familie hot oh scho uf mi gwartet. Sie sind wirklich alle super nett und i hob mi gleich guat mit allna verstanda.

 

13.09.08 1. Woche 

Mine erste Woche isch ezt scho fast vorbei. I hob mi recht guat iglebt und fühl mi wohl do.

 Kerry (Mum) hot ma im laufe derra Woche erklärt was i alles zum tua hob. Im ersta Moment hots sich brutal aghört. Alles isch neu und ma frogt sich eigentlich nur: " Was tua i eigentlich do???" *g* Aber durch des dass mine Family so nett und verständnisvoll isch, isch des super ganga!

I kum super zgang mit da Kids. Sie sind jedoch oh brutal anstregend. Oan Tag in der Woche hob i die 2 Klena da ganze Tag. Später kut denn no da Älteste dazua. Do goht denn ziemlich die Post ab :-) Aber im großen und ganzen sind se echt voll süaß und es isch lustig mit eana (wie ma oh uf da Fotos sea kann).   

Am Mittwoch bin i denn es erste mol Auto gfahra! LINKSVERKEHR! *angst* - es war scho brutal komisch und i muss mi wahnsinnig konzentriera. Aber es isch viel besser ganga als i denkt hob. I bin  am Freitag no kle aloa umma gfahra, unteranderem zum Takapuna Beach. Des isch der in unserer Nähe. Der isch wunderschö!

 Also die erste Woche hob i guat überstanda. I bin gspannt was no alles uf mi zua kut ;-)

 

21.09.08 2. Woche

Jetzt bin i scho sit 2 Wocha do und es gfallt ma volle!!! Langsam hob i da Zeitplan vo jedera Woche durchschaut und woas jetzt, was i jeden Tag zum tua hob.

Die Kids sind wirklich witzig. I mag se echt voll gern. I verbring viel zit mit da ganza Family. Sie hond mir wirklich scho als "Familienmitglied" ufgno und des isch a super Gfühl.

I hob denn oh dia Woche es erste mol mit 2 andera Au-Pairs kontakt ket. Mir hond uns denn am Freitag obend in Auckland City troffa. Also die Stadt isch echt der Hammer!! Das Sky Tower in da Nacht isch brutal schö und i hoff, dass i die kommende Woche mol uffe kann. Es war oh echt guat, sich mol mit andera Au-pairs unterhalta zum künna! So ka ma super Erfahrungen ustauscha und ma verlernt ned, dütsch zum reda ;o) !! Mir warand denn in ana  Bar mit Live-Musik und danoch no in ana Disco. War echt an super Obend.

Die Kiwi´s sind echt nette Lüt. Alle sind so ufgschlossa und hilfsbereit. Ma isch zwar in ana Großstadt, aba ma muss ned angst ho, aloa umma zum lofa. Es isch oh so, dass die Lüt ihre Hüser teilweise gar ned absperren, wenn se usm hus gond. Bei mir dahoam lond se es Auto oh immer ufgschlossa. Wie bei uns im Thal *g*

Am Samstag hot denn da Oliver Geburtstag gfeiert! Es hot a große Party gea, wo alle Verwandte mit da Kinder ko sind. Des warand ganz schö viele, weil min Gast-Papa 6 Gschwister hot! Sind alle super nett!

Mitm Englisch gohts guat! I lern immer wieder neue Wörter und merk selbad, dass Englisch zur Gewohnheit wird! Nur am Telefon isch as irgenwie immer so schwer, die Lüt zum verstoh! Da Kiwi Slange isch kle komisch! Bin momentan aber gad in derra Phase, wo i Englisch und Deutsch vermisch! Isch teilweise sehr verwirrend  ;o)

 

28.09.08 3. Woche

Wow – ezt bin isch die dritte Woche do! Des goht echt schnell! I denk dass des halbe johr schneller vorbei isch, als i schoa kann!

Auckland City isch oh am Tag voll super ;-) Leider bin i dia Woche ned dazua ko, ufn Sky Tower zum go. Aber i hob jo no gnuag zit!

Am Freitag war i wieder furt, mit da Conny. Mir gond bevor ma in a Bar gond eignetlich meistens no an Kaffee im Starbucks trinka. Döt isch es echt nett und voll gmütlich.

sWochenende war oh sunsch gmütlich, weil die Jungs mit ihrem Dad vo Samstag uf Sonntag Campen ganga sind! Mine Gast-Mama hot sich voll gfreut, weil se denn endlich mol kle zit für sich ket hot. Es war echt still im Hus *g*. Sie hot denn agfanga, es ganze Lego vo da Kids sortiera. Die Kids lieben Lego!  I hob denn oh no gholfa und wo se denn hoam ko sind, hond se sich echt gfreut!

Natürlich hob i oh scho die Kinofilme vo Neuseeland agschot. Mir kennand natürlich alle Herr der Ringe. Aber es gibt oh no andere Filme die do in Neuseeland produziert worda sind. „Whale Rider“ und „The Piano“. Sind echt sehenswert!!!!!!

  

Nach oben